Before Sunrise, Before Sunset

記得第一次睇係睇左 before sunset 先, 當時仲要係幾年前一個人響由melbourne返hong kong 既飛機上面睇 (好似好浪漫有型咁 XD), 當時都係睇左一半, 但係已覺得好好睇...呢幾年有時同友人傾開計, 大家都不約而同話呢兩套戲好好睇, 只係唔知點解我仲未有動力去搵返呢兩套戲一次過睇返...

琴晚, 又係機緣之下睇 TVB PEARL 睇左 before sunrise既一半 (又係一半XD), 從故事發展黎講, 應該係睇左 before sunrise 先好睇 before sunset, 首先我咁樣睇已經唔正路, 更唔正路既係, 我覺得幾年前如果我係睇 before sunrise, 琴晚再睇 before sunset, 咁先係perfect. 因為 before sunrise 係 dream, before sunset 係 reality... 所以我都覺我睇既次序係錯晒 XDD

故事其實好簡單, 大家有興趣就去睇下, 我覺得最犀利既地方係, 佢地拍戲既背景即使係歐洲唔知乜野靚景, 你都唔會留心, 你只會留心佢地既對白, 所以成套戲只係靠男女主角 (其實都冇其他人XD)既對白去發展成個故事...我都唔知我up 緊乜, 個腦仲好似轉緊琴晚睇既情節咁...

Before Sunrise Trailer:


Before Sunset Trailer:


我鐘意Before Sunrise既其中一幕:

同小昕對話

琴日要返cu上堂,又要去拎學生證
咁岩小昕都要返cu上堂,咁梗係搵佢幫手帶下路啦 :p
都有好幾個月冇見小昕了,大家都傾起工作上既難題:管o靚仔做野

其中佢提到,有個technical skills幾好既人同一個唔太熟手既同事做緊佢地學校的it technician,小昕面對既難題係,有時唔知點樣俾d野俾冇咁熟手果個technician做,同埋勁果個有時因為太多ad hoc support要做,搞到一早plan左既野就做唔到

我suggest,一d好routine既野,寫好晒instruction就交俾唔熟手既去做啦,慢慢train up佢先
咁樣就可以free左勁人既時間出黎做其他野,同埋做planning時要預佢地可能一日有7成時間做support,咁樣就得3成時間做佢plan既野,咁小昕就可以就住黎plan

小昕聽完覺得幾有用,而我又好開心,但係其實呢d野都係走左既同事sc教我的
第時有機會再一齊做野就好了...

返學第一週

冇讀書6年喇, 9月3日正式上我呢6年黎第一堂既課
上堂既地方係金鐘, 我要搭3程車(小巴,火車,地鐵)先去到目的地
去到金鐘廊,真係好懷念果種周圍個個都係著西裝/OL打扮既感覺...果一刻真係好掛住灣仔...

入到課室,咁岩見到上次orientation dinner識既同學仔阿joe,咁就坐響佢隔離喇
呢堂係strategic information systems,個professor好要求我地要有interaction
所以佢有時會失驚無神咁問我地問題,但係大家都好肯去講,個氣氛算唔錯
我覺得同以前上堂好唔同,我係可以用一個"廢"字去形容以前大部分既堂
好多人都話management既course好多都係吹水,我認同,仲要係有時講一d大家可能已知既野tim
但係有時人就係咁,冇professor/其他同學黎沖擊下你,你係唔會recall返因為時間/繁忙工作而遺忘左既記憶

點樣可以分別到同一間公司入面既人係senior d呢?
1.間房大d (同學求其up,但唔係冇道理)
2.台面d野整齊d (同學求其up,但唔係冇道理)
3.管既scope大d (包括人同錢)
最後有個point係professor提既,就係:
4. 管既scope既時間性係長d既
senior d 既睇既係vision,冇咁senior d睇既係target

我諗我都係要花d時間將我一路以黎做緊既野交俾我同事做了,花多d時間去做老細俾我既新任務:planning

Copy from 人地的 blog

"要尊重那些地位比自己高或相等的人, 不難; 能善待和尊敬比自己能力低或處於下風的人, 才是真正的待人之道"


唉, 而家真係深深體會...

mr. big

琴日同朋友 g 去睇 sex and the city, 佢既男性朋友都有去睇
睇完後, 佢既朋友就話, mr. big 應該搵個靚仔d 既去做
我同 g 係完全唔 agree 的, 因為咁樣太唔真實了
首先本身carrie 都唔係咩靚女, 其次就係我覺得 mr. big 已經好正: 有錢, 有情趣, 又幽默, 仲想點??
我諗當初搵呢班人去演就係想真實d, d 人唔駛太靚囉~
同埋, 我諗mr. big 既正, 真係女人先會明...

打氣

話說同事 sc 走, 我就要 take over 佢d 野做
於是, 我就無啦啦做左小team 的lead 喇 (3個人)
所以, "自費老細"開既會我都要去聽, 我諗最難頂就係同佢開會, 第一次同佢開會, 佢就話:
1. 黎緊要ot, 係講緊o 到10點果隻, 唔係7點果隻
2. 同事要ot, 做team lead 既都要留低為佢地打氣

試問搬到去呢d 鬼地方, 我就唔敢包有冇人會o 到10點...
仲有, 我要打氣? 點打呢下? 係咪要為佢地抹汗呀?

再開呢d 會我真係會死

sex and the city!!

當年我狂煲的劇 sex and the city 電影版就快上了! 我諗同幾個女朋友們去睇會好d 掛 (好似好少男仔會鐘意睇...)

唔知點解, 總會覺得友j似carrie,友b似charlotte,自己就似miranda XDDDD

我套DVD已不知所縱,希望而家可以b得返啦...我又想重溫一下呢,我最鐘意睇既係,每集就黎完,都係carrie一個人行new york既街頭,我覺得個feel好正,好想有機會感受下...(冒住俾人打劫既危險...)

大家揀一揀

兔仔人:我覺得你都幾強, 一個人都照撐...

其實叫大家揀...都係一個假設, 現實中邊有得你揀...

1) 一份銀行工,人工多你而家50% (係比起你而家base salary, 唔計double pay+bonus),但係辛苦到爆,contract,冇其他福利

2) 一份同而家同行既工,higher position,base salary 同你而家既(base salary+double pay+bonus)一樣,仲有double pay,bonus 有機會有

點揀呢下?

GMAT

考完啦!!!
其實都幾驚險, 因為maths 部分最尾果3條唔夠時間做
我心諗真係有機會會死
好在最後都過到關 :D
我要download 返 d 野睇喇, e.g. last friends...

同事 sl 走左lu, 同事sc 6月中都會走
對我黎講真係生命的倒數咁...

ugly betty

除左 prison break 外, 我會集集追既劇就係 ugly betty
season 1 已經夠好睇, 點知season 2 仲好睇, 雖然有d 位係誇張左d
但係睇到14集, 真係好想 betty 同 gio 一齊呀!! gio 好好多呀!!
佢唔靚仔, 但係真係好岩阿betty :}

夠朋友

同team 3個人 (其實仲有幾個新加入,但係對於我黎講,同team計埋我,就係3個人),1個(朋友c)將會同老公辭工去旅行,另1個朋友s琴日resign左,即係得返我喇
其實我同朋友c都一早知呢個人搵緊工,有interview既...(在我黎講,同team又老友既,真係有少少義務話俾大家知你係搵緊工...)
到佢琴日resign,佢先公告俾班friend(即係舊同事)知,其中一個(朋友f)琴晚同我講,佢覺得朋友s辭工好突然,又問我係咪一早知...其實我知朋友f諗咩既,我直頭想大叫佢傻豬tim XDD
佢梗係覺得,點解朋友s之前唔同佢傾下咁啦,即係somehow覺得朋友s唔夠朋友咁,我只係同佢講,其實想走又未有offer既人,係幾大壓力的,朋友f只係出黎做左一年野,可能唔係好明點解朋友s咁做啦...我地呢d老油條反而就好習以為常...有d人唔介意俾人睇到自己失敗,但亦都有人係好介意的...即使周圍既人鼓勵你也好囉...

魚

見工既事,我都冇咩點同人講
今次我主動講既人,都係refer我果個人啦,同team同事啦(大家都會update大家搵工status的),仲有一兩個朋友咁,其實好多時都唔多想講俾人聽,主要都係因為:
怕魚

path

今日一個大學同學搵我食飯,大家以前都係同事,不過到我去左孖窿後就各奔前程
諗起大家以前都係鬥hea,今日講起大家既path 會點時,佢第一句就話佢唔想做 management 既野
唔好俾d o靚佢管咁...
但係轉過頭又話自己而家仲係"dup"石仔 (即係寫program),唔知仲有咩做...
(我入去孖窿就係因為唔想成世"dup"石仔,不過佢果時都嫌我呢度人工低)
其實我自己心裡面都有諗,我有時都唔想做management野,因為要諗多好多野,要咩鑊
但係咁快就hea,我都有d怕自己3x歲就俾人淘汰
所以我先至想take呢個master,盡量睇下自己3x歲前可以做到d乜野啦...不過我冇將呢d野同我呢個個朋友講
因為我唔知佢咩心態,成日都撥我冷水咁,所以我寧願唔講喇...

高興

琴日挈友黎搵我 lunch, 一如以往, 閒話家常
最後埋單, 我話冇可能同我爭, 因為升職加人工bonus ^_^
佢真心為我高興, 我睇得出的
其實我自己都好開心, 開心既係升職, 係人地對我工作成績既肯定嘛~
做左幾年野, 今次真係正式第一次升職...

秘密

岩岩我聽到一個秘密
我真係估唔到...我而家多左一個基既朋友喇~
但係唔知點解, 我好似冇咩意外...仲為呢個朋友擔心tim, 我諗佢既壓力一定好大吧
同埋我估唔到佢咁重視我呢個朋友, 敢膽同我講...

係咪人老左就係咁呢? 我覺得如果以前, 我會對呢d 事好surprise, 但係而家呢, 真係冇咩特別感覺咁...

第一ｐｏｓｔ

好耐冇寫野, 搞到舊果個都冇左...
anyway, 其實都冇咩特別野講, 呢期都係溫緊 GMAT, 搵下工, 睇緊 "他來自江湖" 咁啦...

~完~